Андрэй Нефідовіч, студэнт гістарычнага факультэта БДПУ, прыняў удзел у Міжнароднай навуковай канферэнцыі “Асвета і маральнасць: фарміраванне асобы і выклікі часу” з дакладам на тэму "Канфесійныя супольнасці Лахвы ў пераломны час праз прызму асабістага архіву". Даследаванне было выканана пад навуковым кіраўніцтвам старэйшага выкладчыка Грышкевіч Т.В. і прысвечана лёсу малавядомага сёння мястэчка Лахва на Брэстчыне.  

 

У цэнтры ўвагі – трагічныя 1920-я–1940-я гады. Праца грунтуецца на ўнікальных уласных архівах і ўспамінах, што дазволіла пад іншым ракурсам ўзняць тэму суіснавання розных канфесійных супольнасцей у перыяд ваенных і палітычных катаклізмаў.

 

Праца Андрэя Нефідовіча была высока ацэнена экспертамі і адзначана дыпломам I ступені. 

Віншуем!