25 мая літаратурная грамадкасць нашай краіны адзначыла чарговы дзень памяці аднаго з самых вядомых у свеце класікаў нашай нацыянальнай літаратуры—Максіма Багдановіча.

З гэтай нагоды ў музеі Максіма Багдановіча, што ў Траецкім прадмесці, прайшлі святочныя ўрачыстасці, прысвечаныя гэтай даце.

На гэта мерапрыемства былі запрошаны старшы выкладчык кафедры методыкі выкладання інтэграваных школьных курсаў А.А. Квяткоўскі і слухачы груп №№206 і 208.

Кітайскія слухачы былі ўражаны расповядамі гасцей і супрацоўнікаў музея пра жыццёвы і творчы шлях класіка беларускай літаратуры, яго адданасці, любові да Беларусі, да беларускай мовы.

Патрэбна сказаць, што слухачы таксама прынялі ўдзел у гэтым мерапрыемстве, выканаўшы некалькі песень на словы Максіма Багдановіча, а таксама расказаўшы вершы “Слуцкія ткачыхі” і “Па-над белым пухам вішняў”.