26 чэрвеня група кітайскіх слухачоў №206 разам са старшым выкладчыкам кафедры методыкі выкладання інтэграваных школьных курсаў Квяткоўскім А.А. наведалі музей Янкі Купалы ў Мінску.

Яшчэ на падыходзе да музея кітайцам даспадобы прыйшліся цяністыя дрэвы Купалаўскага парка, шыкозныя клумбы кветак і, безумоўна, тая святочная ўрачыстасць, што панавала вакол. Але самыя адметныя ўражанні засталіся ў кітайскіх слухачоў ад знаёмства з музейнымі экспанатамі. Асабліва ім спадабаліся асучасненыя, інтэрактыўныя варыянты паказу камедыі “Паўлінка” і тых кабінетаў, дзе працаваў народны пясняр.

На развітанне Ван Дэлун для супрацоўнікаў музея выканаў песню “Купалінка” і быў запрошаны разам з Алякасндрам Аркадзьевічам на Купалава свята ў Вязынку, якое пройдзе 10 ліпеня.

Падрыхтаваў старшы выкладчык Квяткоўскі А.А.